მომხმარებელს აქვს უფლება სურსათისა და პროდუქციის უვნებლობასა და ხარისხზე სრულყოფილი ინფორმაცია მიიღოს, გვითხრა საქართველოს მომხმარებელთა ფედერაციის თავმჯდომარემ მადონა კოიძემ, რომლის განმარტებითაც, სურსათის უვნებლობის სახელმწიფო სამსახური, მართალია, მონიტორინგს ატარებს, მაგრამ ყოველწლიური მონაცემების მშრალი ჩამონათვალი ვერ უზრუნველყოფს ვერც ქვეყანაში კონკურენტუნარიანი გარემოს ჩამოყალიბებას და ვერც მომხმარებლის უფლებების მაქსიმალურ დაცვას. მადონა კოიძის შეფასებით, ამ მიმართულებით გაცილებით ქმედითია შესაბამისი პროფილის არასამთავრობო ორგანიზაციების მიერ სამომხმარებლო დახლზე განთავსებული კონკრეტული ნიმუშების ლაბორატორიული კვლევა, რომლის შედეგებიც საჯარო ხდება:
”როგორც დადებითი, ისე უარყოფითი ინფორმაცია გაგვაქვს, საზოგადოებისთვის ხელმისაწვდომი რომ იყოს, და მომხმარებელი უკვე თავისუფალია თავის არჩევანში და ის თავად აკეთებს არჩევანს, ენდოს თუ არა ამგვარ კომპანიებს, ანუ იმ კომპანიებს, რომლებიც აწარმოებენ ისეთ პროდუქციას, რომელმაც შეიძლება მათ ჯანმრთელობას ზიანი მიაყენოს”.
ამ დღეებში ერთ-ერთი ამგვარი კვლევის შედეგები, როგორც უკვე აღვნიშნეთ, „სტრატეგიული კვლევებისა და განვითარების ცენტრმა“ წარმოადგინა. ამ კვლევის თანახმად, მიკრობიოლოგიურად დაბინძურებული აღმოჩნდა რამდენიმე კომპანიის ხორცის 18 სახეობის ნახევარფაბრიკატები. მათ ჩამონათვალს დაინტერესებული პირები გაეცნობიან ვებსაიტზე momxmarebeli.ge
„სტრატეგიული კვლევებისა და განვითარების ცენტრის“ ინფორმაციით, შეტყობინება დარღვევების შესახებ გადაეგზავნათ როგორც მეწარმეებს, ისე სოფლის მეურნეობის სამინისტროს. ამ სამინისტროს სურსათის ეროვნული სააგენტოს ხელმძღვანელმა ზურაბ ჩეკურიშვილმა საერთაშორისო საფინანსო კორპორაციის მიერ თბილისში 14 ნოემბერს გამართულ ფორუმზე მედიასთან სურსათის უვნებლობის საკითხების აქტუალურობაზე გაამახვილა ყურადღება:
”არასამთავრობო ორგანიზაციებისათვის ჩვენ ვიქნებით, ასე ვთქვათ, პარტნიორები, ერთი გუნდის წევრები. ჩვენ ვითანამშრომლებთ ასევე მეწარმეებთან, რომლებიც ასევე არიან მომხმარებლები, მათ უფლებებსაც დავიცავთ. მოკლედ, შევეცდებით ახალი ხედვით, ახალი გუნდით გავაკეთოთ ის დიდი საქმე, რასაც ჰქვია მომხმარებელთა უფლებების დაცვა და სურსათის უვნებლობის სტანდარტების დანერგვა საქართველოში.”
სურსათის უვნებლობის სტანდარტების დასანერგად ერთ-ერთი რეკომენდაცია სურსათის უვნებლობის კანონმდებლობის მოწესრიგებაა. საერთაშორისო საფინანსო კორპორაციის სურსათის უვნებლობის პროექტების ხელმძღვანელი საქართველოსა და სომხეთში მაია თევზაძე, თავის მხრივ, კომპანიების მხრიდან სურსათის უვნებლობის მართვის სისტემების დანერგვისა და სერტიფიცირების აუცილებლობაზე საუბრობს:
სურსათის დაბინძურების აღმოჩენილ ფაქტებზე ოპერატიული რეაგირების მექანიზმის არარსებობა მიაჩნია სურსათის უვნებლობის დაცვის ერთ-ერთ მთავარ პრობლემად ევრაზიის თანამშრომლობის ფონდის პროგრამების უფროს მენეჯერს ვახტანგ კობალაძეს:
ერთ-ერთი ასეთი ფაქტის შესახებ ინფორმაცია 16 ნოემბერს საინფორმაციო სააგენტო ”კავკას პრესმა” გაავრცელა. ინფორმაციის თანახმად, ბათუმში მოქალაქემ ბაზრობაზე ნაყიდ თევზში ჭიები აღმოაჩინა, თუმცა ერთადერთი, რაც შეძლო, უვარგისი პროდუქცია გამყიდველს უკან დაუბრუნა. არაეფექტური და არაოპერატიული კონტროლის მექანიზმების პირობებში, ევრაზიის თანამშრომლობის ფონდის პროგრამების მენეჯერი ვახტანგ კობალაძე სურსათის უვნებლობის უზრუნველყოფის ახალი საკანონმდებლო ბაზის შექმნასთან ერთად, ამ სისტემის ევროპულ კანონმდებლობასთან დაახლოებას ერთ-ერთ მთავარ ამოცანად მიიჩნევს.
„სტრატეგიული კვლევებისა და განვითარების ცენტრის“ ინფორმაციით, შეტყობინება დარღვევების შესახებ გადაეგზავნათ როგორც მეწარმეებს, ისე სოფლის მეურნეობის სამინისტროს. ამ სამინისტროს სურსათის ეროვნული სააგენტოს ხელმძღვანელმა ზურაბ ჩეკურიშვილმა საერთაშორისო საფინანსო კორპორაციის მიერ თბილისში 14 ნოემბერს გამართულ ფორუმზე მედიასთან სურსათის უვნებლობის საკითხების აქტუალურობაზე გაამახვილა ყურადღება:
”არასამთავრობო ორგანიზაციებისათვის ჩვენ ვიქნებით, ასე ვთქვათ, პარტნიორები, ერთი გუნდის წევრები. ჩვენ ვითანამშრომლებთ ასევე მეწარმეებთან, რომლებიც ასევე არიან მომხმარებლები, მათ უფლებებსაც დავიცავთ. მოკლედ, შევეცდებით ახალი ხედვით, ახალი გუნდით გავაკეთოთ ის დიდი საქმე, რასაც ჰქვია მომხმარებელთა უფლებების დაცვა და სურსათის უვნებლობის სტანდარტების დანერგვა საქართველოში.”
სურსათის უვნებლობის სტანდარტების დასანერგად ერთ-ერთი რეკომენდაცია სურსათის უვნებლობის კანონმდებლობის მოწესრიგებაა. საერთაშორისო საფინანსო კორპორაციის სურსათის უვნებლობის პროექტების ხელმძღვანელი საქართველოსა და სომხეთში მაია თევზაძე, თავის მხრივ, კომპანიების მხრიდან სურსათის უვნებლობის მართვის სისტემების დანერგვისა და სერტიფიცირების აუცილებლობაზე საუბრობს:
სურსათის დაბინძურების აღმოჩენილ ფაქტებზე ოპერატიული რეაგირების მექანიზმის არარსებობა მიაჩნია სურსათის უვნებლობის დაცვის ერთ-ერთ მთავარ პრობლემად ევრაზიის თანამშრომლობის ფონდის პროგრამების უფროს მენეჯერს ვახტანგ კობალაძეს:
ერთ-ერთი ასეთი ფაქტის შესახებ ინფორმაცია 16 ნოემბერს საინფორმაციო სააგენტო ”კავკას პრესმა” გაავრცელა. ინფორმაციის თანახმად, ბათუმში მოქალაქემ ბაზრობაზე ნაყიდ თევზში ჭიები აღმოაჩინა, თუმცა ერთადერთი, რაც შეძლო, უვარგისი პროდუქცია გამყიდველს უკან დაუბრუნა. არაეფექტური და არაოპერატიული კონტროლის მექანიზმების პირობებში, ევრაზიის თანამშრომლობის ფონდის პროგრამების მენეჯერი ვახტანგ კობალაძე სურსათის უვნებლობის უზრუნველყოფის ახალი საკანონმდებლო ბაზის შექმნასთან ერთად, ამ სისტემის ევროპულ კანონმდებლობასთან დაახლოებას ერთ-ერთ მთავარ ამოცანად მიიჩნევს.